Featured 02 समाचार हिँड्दा–हिँडदै

पोखरामा अब प्याराग्लाइडिङदेखि बञ्जीजम्पसंगै हट एयर बेलुन

मंसिर २,पोखरा । पर्यटकीय शहर पोखरामा शनिबारदेखि हट एयर बेलुनको व्यवसायिक उडान सुरु भएको छ। पोखरा पर्यटनमा सर्वसाधारणलाई थप आकर्षण गर्न शनिबारदेखि ‘हट एयर बेलुन’ पनि थपिएको हो।

साहसिक खेलको रूपमा समेत प्रसिद्ध पाएको पोखरामा प्याराग्लाइडिङदेखि बञ्जीजम्प, जिप फ्लायर, क्यानोनिङलगायत खेल सञ्चालनमा रहेका थिए। अबदेखि पर्यटकिय नगरी पोखरानमा हट एअर बेलुन उडानबाट पर्यटकले पोखराको सुन्दरता दृश्यावलोकन गर्न पाउने भएका छन्।

गण्डकी प्रदेशका मुख्यमन्त्री पृथ्वीसुब्बा गुरुङले शनिबार यसको उद्घाटन गरेका छन् । मुख्यमन्त्री गुरुङले पोखरा आउने पर्यटकका लागि हट एयर बेलुन उडानले थप आकर्षित गर्ने बताए। उनले प्रदेशको समृद्धिको आधार पर्यटन क्षेत्र भएको बताउँदै नयाँनयाँ गतिविधिले पर्यटन विकासमा टेवा पुग्ने धारणा राखे।

हट एयर बेलुन उडाउन प्रालिले एक करोड ५० लाखको लागतमा इटलीबाट यो बेलुन मगाएको बेलुन प्रालि नेपालका प्रबन्ध निर्देशक प्रवीण महर्जनले जानकारी दिए।

बेलुन चढ्न नेपाली पर्यटकले ११ हजार र विदेशी पर्यटकले १६० डलर तिर्नुपर्नेछ। सानो बेलुनमा छ जना र ठूलो बेलुनमा आठ जनासम्म उडाउन सक्ने यसको क्षमता छ। बेलुन चढ्ने प्रत्येक यात्रुको २० हजार डलरको बीमा गरिएको महर्जनले बताए।

आफ्नो प्रतिक्रिया जनाउनुहोस्