काठमाडौं । इरानको तेहरान विश्व विद्यालयले एक रोबोट सार्वजनिक गरेको छ । रोबोटको नाम सुरेना हो । जसमा १०० प्रकारको भाषा बोल्ने क्षमता छ। यी बाहेक रोबोटले विभिन्न भाषाहरु अनुवाद गर्न पनि सक्छ।
विश्व विद्यालयका इन्जिनियरिङ संकायका विद्यार्थीले ४ वर्ष लगाएर यो रोबोट बनाएको हो। नयाँ मानिस चिन्ने, सामान ओसार-पसार गर्ने क्षमता भएको सुरेनामा फुटबल किक हान्ने प्रतिभा समेत रहेको छ ।
रोबोट सुरेनाको लम्बाइ १७० सेन्टी मिटर र तौल ७० केजी छ । सुरेना १ घण्टामा ७ सय मिटरसम्म हिँड्न सक्छ । जमिनमा अगाडि पछाडि, दाँया बाँया जसरी पनि यसलाई मोड्न सकिन्छ । यसले मानिससँग हात मिलाएर अभिवादन समेत गर्छ । सुरेना भित्र मानिसमा हुने अरु थुप्रै गुण राखिएको छ।
प्रतिक्रिया
सम्बन्धित समाचार
