नारी दिवसमा पठाओद्वारा उत्कृष्ट २५ महिला राइडरलाई सम्मान


  • Frontline Nepal

काठमाडौँ । २५ फागुन । अन्तराष्ट्रिय नारी दिवसको अवसरमा राइड सेयरिङ प्लेटफर्म पठाओले उत्कृष्ट २५ जना महिला राइडरलाई सम्मान गरेको छ । उनीहरूलाई मायाको चिनो र ज्याकेट प्रदान गरि सम्मान गरिएको छ ।

पठाओ नेपालकी मार्केटिङ प्रमुख सुरक्षा हमालका अनुसार कार्यक्रममा महिला राइडरहरुले अनुभव आदानप्रदान समेत गरेका छन् । ‘महिला सशक्तीकरणको महत्वपूर्ण माध्यम रोजगारी हो,’ हमाले भनिन्, ‘पठाओमा महिला दिदीबहिनीको संख्या बढिरहेको छ । यो देख्दा हामीलाई निकै खुशी लागेको छ ।’

पठाओ नेपालमा हाल करिब एक हजार छ सय जना महिला राइडर आवद्ध छन् । जसमध्ये करिब तीन सय दैनिक रुपमा सक्रिय छन् । उनीहरूको मासिक करिब २५ हजारदेखि ३० हजारसम्म कमाउने गरेको हमालले बताइन् ।

प्रतिक्रिया
सम्बन्धित समाचार
ताजा अपडेट