वीरगञ्ज, २८ जेठ । लामो समयदेखि जारी रहेको लकडाउनका कारण पर्सा जिल्लामा रगतको अभाव देखिन थालेपछि दाताहरु अग्रपङ्तिमा उभिन थालेका छन् । कोभिड–१९ को सङ्क्रमणका कारण रगतको अभाव हुन थालेपछि सोको अभाव हुन नदिन गिरिजाप्रसाद कोइराला फाउण्डेशन पर्साले आज रक्तदान कार्यक्रमको आयोजना गरेको हो । मानव सेवा नै सबैभन्दा ठूलो धर्म भएकाले रक्तदान कार्यक्रममा एक महिलासहित १०० जनाभन्दा बढी व्यक्तिले रक्तदान गरेका छन् । गिरिजाप्रसाद कोइराला फाउण्डेशन पर्साका अध्यक्ष मोहम्मद सहाबुदिनको अध्यक्षतामा भएको सो रक्तदान कार्यक्रमको पूर्व सांसद अनिल रुगंटाले उद्घाटन गर्नुभएको थियो ।
प्रतिक्रिया
सम्बन्धित समाचार
