काठमाडौं , फागुन २६ । काठमाडौँ – जापानकी केन तानाका विश्वकै वृद्ध व्यक्ति बनेकी छिन् । ११६ वर्ष पुगेकी तानाकालाई शनिवार गिनिज बुकले विश्वकै वृद्ध व्यक्ति घोषणा गरेको हो ।
११६ वर्ष पुगेकी तानाका अहिले पनि सामान्यतया हरेक विहान ६ बजे उठ्ने गर्छिन् ।
गणित सिक्न र घरमै बसेर खेल खेल्न मनपराउने तानाकाको जन्म सन् १९०३ जनवरीमा २ मा भएको थियो ।
चार सन्तानकी आमा तानाकाले एक सन्तानलाई धर्मसन्तानका रूपमा संरक्षण दिएकी छिन् ।
विश्वकै सबैभन्दा वृद्ध व्यक्तिका रूपमा मान्यता पाएपछि जापानको पश्चिमी फुकुओमा शहरमा रहेको उनको नगरमा खुशियाली मनाइएको छ। उनलाई एक नर्सिङ होममा राखी रेखदेख गरिँदै आएको बताइएको छ ।
विश्वका धेरै बाँच्ने मुलुकका नागरिकको जस्तै जापानीहरूको आयु पनि दीर्घ रहने गरेको पाइन्छ ।
Meet 116-year-old Kane Tanaka from Japan, our new oldest person living record holder > https://t.co/rgrgP0JcRp pic.twitter.com/wroWdOXxpU
— Guinness World Records (@GWR) March 9, 2019
