स्पेनिस फुटबल संघका अध्यक्ष लुइस रुबिलेसले जारी सिजन पूर्णरुपमा समाप्त नभए उपाधि बार्सिलोनालाई हस्तान्तरण नगर्ने बताएका छन् ।
उनले कोरोनाका कारण स्थगित भएको लिग पूर्णरुपमा नटुंगिए हाल अंक तालिकाको शीर्ष स्थानमा रहेको बार्सिलोनालाई उपाधि नसुम्पिने बताएका हुन् ।
ला लिगाका २८ औं चरणदेखिका खेल गत साताबाट स्थगित भएका थिए । २७ औं चरणका खेल सकिँदा दोस्रो स्थानमा रहेको रियल मड्रिडभन्दा दुई अंकको अग्रतासहित बार्सिलोना शीर्ष स्थानमा छ ।
यतिबेला लिग कमिटिमा लिग स्थगित हुन पुगे उपाधि बार्सिलोनालाई दिने नदिने दुई पक्षिय मत भएको रिपोर्टमा उल्लेख गरिएको छ । यद्पि अध्यक्ष रुबिलेसले युईएफएसँगको लामो छलफलपछि उक्त निर्णय दिएका हुन् ।
उनले अन्य ५५ युरोपियन फुटबल संघसँगको सहमति अनुसार लिग जुन ३० तारिखसम्म पुरा हुने बताए ।
प्रतिक्रिया
सम्बन्धित समाचार
