![](https://frontlinenepal.com/wp-content/uploads/2019/05/60003028_451026138981011_5311711742886150144_n_1205762834.jpg)
काठमाडौं, जेठ ६ । पहिलो हाफ सकिन ४ मिनेट बाँकी रहँदा नेपाली खेलाडी सावित्रा भण्डारीले गोल गरेपछि सेतुले भारतीय महिला लिगमा सेन्ट्रल एसएसबी वुमन्सविरुद्ध अग्रता दोब्बर बनाएको छ । फाइनल प्रवेशका लागि जारी खेलको पहिलो हाफ सकिँदा सेतु एसएसबीविरुद्ध २–० ले अगाडि छ ।
लुधियानास्थित गुरु नानक स्टेडियममा सेतुका लागि ग्रेसले १३ औं मिनेटमा पहिलो गोल गर्दा सावित्राले ४१ औं मिनेटमा दोस्रो गोल गरेकी हुन् । योसँगै भारतीय महिला लिगमा सावित्राको गोलसङ्ख्या १० पुगेको छ ।
समूहको शिर्ष स्थानमा रहँदै सेतु सेमिफाइनल पुगेको हो । एसएसबी समूह उपविजेता टोली हो । समूह चरणका पाँच खेलसम्म पराजय भोग्न नपरेको सेतु उपाधि नजिक पुग्न चाहन्छ ।