काठमाडौं, जेठ २८ । विश्वकपमा भारतीय टीमलाई ठूलो धक्का लागेको छ ।
भारतीय टीमका ओपनर शिखर धवन चोटका कारण मैदान बाहिर रहने भएका छन् ।
उनी भारतका भरपर्दा ओपनर हुन् । भारतलाई उनको अभाव खड्कन सक्ने क्रिकेटपण्डितहरूले बताएका छन् ।
भारतीय सञ्चारमाध्यमका अनुसार चोटका कारण शिखर धवन तीन हप्ता मैदान बाहिर रहनेछन् ।
९ जूनमा अस्ट्रेलियाविरुद्ध खेल्दै गर्दा धवनको हातमा चोट लागेको थियो ।
उनले अस्ट्रेलियाविरुद्ध शतक प्रहार गरेका थिए ।
अब शिखर धवनको स्थानमा केएल राहुललाई ओपनिङ गराउन सकिने बताइएको छ ।
प्रतिक्रिया
सम्बन्धित समाचार
