राजस्व ऐन, २०७५ को संशोधन प्रस्ताव पारित


  • फ्रन्टलाइन नेपाल
  • बुधबार, असार २२, २०७९

  • काठमाडौँ महानगरपालिकाको राजस्व ऐन, २०७५ को संशोधन प्रस्ताव पारित भएको छ । कामपामा आज भएको नगरसभा ११औँ अधिवेशनको पाचौँँ बैठकले संशोधन प्रस्ताव पारित गरेको हो । त्यसैगरी सभामा आगामी आर्थिक वर्ष २०७९/०८० को विस्तृत बजेट तथा कार्यक्रम पेश भएको छ । आजको कार्यसूचीमा विनियोजन विधेयक, २०७९ सम्बन्धमा छलफल र पारित गर्ने विषय समावेश थियो ।

    सभामा विस्तृत बजेट तथा कार्यक्रम पेश भएपछि यही असार २४ गते यसका विषयमा छलफल हुने बताइएको छ । प्रस्तावका विषयमा नगरसभा सदस्यहरु सन्तोष ढुङ्गेल, अनिलबाबु श्रेष्ठ र आशा श्रेष्ठलगायतले धारणा राख्नुभएको थियो । यही असार १७ गते सम्पन्न अधिवेशनको चौथो बैठकले संशोधनसहित आर्थिक विधेयक पारित गरिसकेको छ ।

    यही असार १० गते सम्पन्न सभाको बैठकमा कामपा उपप्रमुख सुनिता डङ्गोलले आर्थिक वर्ष २०७९/०८० का लागि रु २५ अर्ब ४१ करोड ९६ लाख ९६ हजार अनुमानित बजेट पेश गर्नुभएको थियो । बैठकको अध्यक्षता कामपाका प्रमुख बालेन्द्र साहले गर्नुभएको थियो ।

    प्रतिक्रिया
    सम्बन्धित समाचार