काठमाडौं, १ जेठ। बलिउडका एक चर्चीत गायक हुन् सोनु निगम । उनले फिल्म क्षेत्रमा पनि आफ्नो अभिनय कला देखाएका थिए । तर, गलाको कला अगाडि अरु फिक्का देखिए । उनले अन्ततः गायन क्षेत्रलाई नै प्रमुख प्राथमिकतामा राखे । सोनुले बाल्यकालदेखि नै गाउन थालेका थिए । उनले ४ वर्षको उमेरदेखि गाउन सुरु गरेका थिए ।
परिवार पनि सांगितीक माहौल भएका कारण उनलाई अगाडि बढ्न निकै सजिलो भएको थियो । बुवा अगम निगमको साथमा मोहम्मद रफीको चर्चित गीत गाएका उनले पछिल्लो समय आफ्नै म्युजिक कम्पनीमा व्यस्त रहेका छन् । उनले बुबासँग पार्टीमा धेरै गीत गाएको अनुभव सुनाएका थिए । उनले आज जे जति कमाएका छन् ती सबै गीतहरु गाएर नै कमाएका हुन् । एउटा कन्सर्टको लागि उनले १५ लाखसम्म डिमाण्ड गर्छन् ।
मुंबईमा सोनु निगमको २५ करोडको फ्याट छ । त्यसको अलावा उनीसँग अधेंरीमा ‘नमः’ नामको घर रहेको छ । सोनु अहिले आफ्नो ‘नमः’ नामको घरमा बस्छन् । यसको साथै मुम्बईमानै सोनुको अर्को घर बनिरहेको छ ।
