कठैबरा जिन्दगी (कविता)


  • Frontline Nepal

आभा थपलिया

ढुकिरहेको जिन्दगी
पर्खिरहेको मौनता
प्रतीक्षा खै के को
मासु पसल बाहिर
ढुकिरहने कुकुर जस्तो

शीत लहरले छोपेको
हिंउँले ढाकेको
आशाले थिचिएको
प्राण उडेको
शरीर बांचेको
बीभत्स मन
माझिले छोडेर गएको
मझधारे डुङ्गा जस्तो

कठै जिन्दगी !
बांचें बांचें भन्दै
पलपल मर्दैछ
यसलाई के थाहा
म भार वहन गर्न
असमर्थ छु !

प्रतिक्रिया
सम्बन्धित समाचार